Tuesday, February 27, 2007

هما كلمتين

هما كلمتين و قلتهم
لا فوقهم و لا تحتهم
زى ما تكون مستنيهم
رحت ولا شوفتك بعديهم
طب مش كنت تقولى
انك ملهوف على بعدى



هما كلمتين و قلتهم
لا فوقهم و لا تحتهم
من قد ايه و انا حيشاهم
و بقول لعقلى منيش قيلاهم
ادينى ريحتك من الحيرة
و بقولك فضها سيرة

قلبك تايه و دا عيبه
كلمة توديه و كلمة تجيبه
دا حبنا طول عمرة مفكك
فمش مستاهلة انك تتلكك
على كلمتين قلتهم
لا فوقهم و لا تحتهم

4 comments:

SomeOne said...

الله

لالالالالالالالالالا

دا انت شكلك شاعرة وانا مش واخد بالي

بجد جميلة جدا

اجمل حاجة في الدنيا انك دايما تحبيها بعقلك مش قلبك

لانها لازم بتجرح

واللي واخد كل شيء بقلبه
حينجرح جامد قوي

انما اللي بيحسبها بعقلة
حيدوس على حزنه
ويكمل
وهو عارف انه حينجرح تاني وحيدوس على جرحة تاني
وعاشر

اميرة هشام said...

جميلة اوي ياهاجر

تعجبيني كدة وانتي جامدة وكلك حزم

مُصْعَب إِبْرَاهِيم said...

هم كلمتين هأقولهملك
اوعي في يوم يهزك همك
أو تنسي في يوم تقهري ألمك

هم كلمتين قلتهم
لا فوقيهم ولا تحتهم

el2ahwagi said...

da enti 3adeeti ba2a ...

7elwa awi f tasweer 7ala mo3ayana ...
tenfa3 oghneya b gad ...

a7santi ..!