كنت هاعيط ..بس دموعى رفضت تنزل و قالتلى لا مش مستهلة .... عندها حق مش مستهلة
كنت هاصارحه باللى فى قلبى .... بس قلبى سكت حسى و قالى لا مش مستهلة .... عنده حق مش مستهلة
انى احسه و يبقى نفسى اكون جوا فى حضنة ..... و يجى فى لحظة و يبعد فجأة تبقى فعلاً مش مستهلة
انى ابقى ماشية فى سكة كلها فرحة .... و تيجى فجأة و تقلب ضلمة تبقى فعلاً مش مستهلة
لما اقرر فجأة انى اكبر .....و ابقى موافقة اقفل قلبى و امنع نفسى تبقى فعلا مش مستهلة
و لما تكون القعدة دافية و الضحكة عاليه.....ووسط اللمة حاسة بسقعة تبقى فعلاً مش مستهلة
لما امسك قلمى ...و ابقى عايزة اكتب عنى ....و يخلص كلامى منى غصب عنى تبقى فعلاً مش مستهلة
و لما الغربة تسكن قلبى جوا فى وطنى ....و ابقى وحيدة وسط الزحمة تبقى فعلاً مش مستهلة
لما ياخدوا كل امالى من احلامى ....وبدل منها يحطوا الام و اقف اتفرج تبقى فعلاً مش مستهلة
و ادى دموعى بتنزل منى غصب عنى و عنها .....مش قلتلكم مش مستهلة فعلا فعلا مش مستهلة
24 comments:
طيب ايه اللى مش مستهله ؟
لو الحياه يبقى انا معاكى ممكن تكون مش مستهله
بس احنا لازم نعيشها ولازم نبدل اللى مش مستاهل بحاجه تانيه تكون مستهله
وبيتهيألى دى حاجه سهله
دايما اسلوبك بيعجبنى
تحياتى
الدنيا صح مش مستاهله
انما احساسك اللى وقلبك اللى جواكى مستاهل انك تفرجى عنه بشويه دموع وعينك تستاهل تتغسل ونفسك تروق
انت مستاهله
أسلوبك في الكتابة رقيق جدا ينم عن شخصية مرهفة فعلا
بس على فكرة البكاء في رأيي مش ضعف بالعكس ده الإنسان القوي بس اللي يقد يبكي بينما الضعفاء يهربون من كل شئ فلا يتأثرون ولا يستطيعون البكاء
تحياتي ليكي
وشكرا على زيارة مدونتي ونورينا دايما كده
كل ده ومش مستهلة؟؟؟
بصراحة انا رأيي ان انت محتاجة تعيدي نظر في الدنيا
انا حاسس ان هي حاجة واحدة هي اللي مسيطرة على تفكيرك
وشيفاها الحياة وده الغلط بعينه
عشان تبقى مش مستهلة
وعشان تقدري تعيشي سعيدة
لازم تكتسبي القدرة على التجديد
لازم يكون في حجات كتير بتحبيها
ولازم تتعلمي
الانسان طول ماهو عايش لازم يتعلم جديد
كل ما تتعلمي و تتقني حجات اكتر
مش حتلاقي وقت فراغ
يوم ما تزهقي من حاجة
ممكن بسهولة تلاقي حاجة تانبة تعمليها
اهم حاجة متسبيش شعور بعينه يسيطر على تفكيرك
انا بعمل كده
ولان دماغي مشغولة بحجات كتير
بلاقي نفسي بخرج من احزاني في لحظات
وبرميها ورا ظهري
لانها فعلا مش مستهلة
:)
:)
جامدة موووت
بس انتى اللى مستاهلة بجد
كلام بسيط بس معانيه كبيرة
هو انتى فى سنة كام وجامعة اية؟
allaaah.... !!!
7elwa .. 7elwa ...7elwa...!!!
و لما تكون القعدة دافية و الضحكة عاليه.....ووسط اللمة حاسة بسقعة تبقى
فعلاً مش مستهلة
gamda awi di ... sa7 ... sa7 bgad..!
ana shadeed eli3gaab bel post da... hayla..!
انا بس عايزة اوضح ان تبقى فعلاً مش مستهلة دى جملة استنكارية مش تأكيدية انا عارفة انها مستهلة بس بكابر او بتريق
القمحاوى انا عندى 23 سنة و خريجة حقوق
القهوجى
بجد مبسوطة اوى انه عجبك تعرف البوست دا كتبتهة نتيجة مشاعر متلخبطة لحظة فرح جت وراها لحظة حزن و احباط فى نفس الدقيقة عارف كتبته على منديل فى كافيه و بجد مبسوطة انه عجبك
هاجر...أسمحيلي أن أختلف معك لان الحياة لازم تكون مستاهلة أنك تتبسطي بيها و دة ببساطة لانك انسانة رقيقة المشاعر و مرهفة الحس...فقط أتمني أن تجدي صدرا حنونا تفيض فية مشاعرك
تحياتي لكي
فعلا اسلوبك رائع في التعبير
وكلام جميل جداا
بس فلا مفيش حاجه تستاهل انك تدمعي
والي راح ميستحقش يتبكي عليه لان البكاء مش هيرجعه
الاهم منه هو انك تفكري في الي جاي
مش مستهله بكا ودموع
مش مستهله وجوع فى ضلوع
مش مستهله ومش مستهله كلام مسموع
كل صراخ فى القلب بينبض بس عذبنا بئا ممنوع
هيا فعلا مبقتش مستهله بس مبقاش ينفع نعيش بجناح مكسور يا هاجر
سلام ليكى
ومش مستهله ههههههههه
كل دة ومش مستاهلة
كلامك يوجع اوى ومن جوة الوجع بتحاولى تقوى ربنا يقويكى
هى الدنيا مش مستاهلة الزعل صحيح بس غصب عننا بنزعل
امال لو مستهلة هتعملي فينا ايه...كلام رائع بس انا زعلت على زعلك
طيب هي مش مستاهلة وفي نفس الوقت مش سهلة.. مهو لما نبقى عايزين نحب وخايفين ننجرح تبقى مش مستاهلة..
لما تحس بالجرح في القلب طاغي مع أن القلب فاضي تبقى مش مستاهلة..
والله لو كانت سهلة برضه كانت هتبقى مش مستاهلة
ياااه يا بجابيجو
والله فعلا مش مستاهلة
وايه في حياتنا يستاهل
والله حتي لو متنا برضه مش نستاهل
انا معاكي الحياة مش مستاهله في بعض الامور بس لو ان الحياة مش مستهله مكنش الله خلاقهالنا مع اني انا بقول الكلام ده كتير برضه بس نقيضي الي جوايا بيقولي لا الحياة تستاهل بس انت وظف نفسك صح و خالي نفسك في المكان الصح هتحس بمعني الحياة و بكل المعاني و علي فكره ربنا سبحانه و تعالي قال ايه " خلقنا الانسان في كبد " يعني في تعب و شقاء ده بس الكلام جامد و رقيقه
مش سهلة ابدا انك تطلعي الي جواكي بالطريقة الشفافة دي..صدقيني مش سهلة انك تكوني صادقة مع نفسك ومع قلمك
متزعليش ابدا ومتتضايقيش لانك جاوبتي على نفسك بنفسك
البلوج تحفة
سلامي ليكي
هاجر
ازيك يا قطتى
انا اسفه غيرت لينك المدونه بتاعتى
ياريت تغيرى اللينك القديم اللى حطهولى عندك وبجد بشكرك انك اصلا عملالى لينك
http://amoag-sa2ra.blogspot.com/
دا اللينك الجديد بتاعى
lool 7elwa 7kayet ennik katabteeh 3ala mandeel di ...
ya3ni waleed fekra w a7asees khatafteeha 3almandeel weheya lessa sokhna ...
yatara ee7tafazti belmandeel ..?? !!
هاجر
مش مستهلة الحياة حلوة لما تشوفيها حلوة وبس
msh 3rfa lih ab2it ba7b a2raalk awy we klamak sa7 ra3'm eno fih kitir gar7 bas walahy kolo kolo sa7
msh fr2a we msh mesthla sa7 we bokra eldonia hatwriky enha f3lan msh mesthla
rabna ywf2k ya benty
we tahitshy
مش عارفه اعلق على ايه ولا ايه فيه اجزاء كتيره اوي شدتني...انتي اسلوبك جميل اوي على فكره
بس اعتقد ان فيه حاجات مستاهله
احييكي على الاسلوب...وحاولي تشوفي ايه مستاهل بجد وايه لأ
طب ايه رأيك انها مستهلة
وبكرة احلا صدقيني
بكرة احلا
بهديكي الاغنية دي
http://song.6arab.com/Nancy-3ajram_Eldonya-7elwa.ram
Post a Comment