اكتشفت انى لسة جوا منى طفلة عايزة تجرى عايزة تهرب رافضة تكبر ..... لسة جوا منى حلم ابقى طول العمر بنت حلوة صغيرة بالضافاير مش شايلة هم ... رافضة اكون تمثال حديد لبنت حلوة متبسمة مهما تضيق الدنيا بيها لسه فى دورها مكملة ... من غير دموع من غير الم .
مهما حاولوا يشكلونى..مهما حاولوا يشوهونى لسة جوا منى طفلة قادرة ترفض ... قادرة تضرب برجلها ارض خوفها ... سيل دموعها لسة قادر يمحى اى زيف .
و اكتشفت انى لسة جوا منى كل احلامى القديمة ..اه حزينة و مغطيها كوم تراب ... بس لسة قادرة تصرخ قادرة تمنحنى الحياة ... عاملة ثورة عاملة ضجة ... رافضة تبقى ذكرى مرة جوا بنت لسه عايزة تجرى عايزة تهرب رافضة تكبر .
و اكتشفت انى لسة جوا منى ذكريات حلوة كثيرة ..اه بعيدة ... لكن عنيدة ... بين حين و حين تيجى و تفرض نفسها ضحكة كبيرة فوق شفايف حزن ساكن قلب بنت لسة جوا منها طفلة عايزة فرصة ... تبقى زى ما هى عايزة .
و اكتشفت انى رغم كل دا لسه قادرة اصرخ و اقول اه و لا .... و انى لسه عندى قلب قادر يدق ... اه نبضه ضعيف لكن لسه قادر يكسر اى سد ... اصله مش قلب اى حد .. دا قلب بنت لسه جوا منها طفلة عايزة تجرى عايزة تهرب .. رافضة تكبر .
و اكتشفت و اكتشفت و لسه ياما هاكتشف ... طول ما لسه جوا منى طفلة عايزة تجرى عايزة تهرب رافضة تكبر .. جوا منها كل احلامها القديمة و ذكريات حلوة كثيرة و طول ما لسة قادرة تصرخ ... و جوا منها قلب قادر يكسر اى سد .
مهما حاولوا يشكلونى..مهما حاولوا يشوهونى لسة جوا منى طفلة قادرة ترفض ... قادرة تضرب برجلها ارض خوفها ... سيل دموعها لسة قادر يمحى اى زيف .
و اكتشفت انى لسة جوا منى كل احلامى القديمة ..اه حزينة و مغطيها كوم تراب ... بس لسة قادرة تصرخ قادرة تمنحنى الحياة ... عاملة ثورة عاملة ضجة ... رافضة تبقى ذكرى مرة جوا بنت لسه عايزة تجرى عايزة تهرب رافضة تكبر .
و اكتشفت انى لسة جوا منى ذكريات حلوة كثيرة ..اه بعيدة ... لكن عنيدة ... بين حين و حين تيجى و تفرض نفسها ضحكة كبيرة فوق شفايف حزن ساكن قلب بنت لسة جوا منها طفلة عايزة فرصة ... تبقى زى ما هى عايزة .
و اكتشفت انى رغم كل دا لسه قادرة اصرخ و اقول اه و لا .... و انى لسه عندى قلب قادر يدق ... اه نبضه ضعيف لكن لسه قادر يكسر اى سد ... اصله مش قلب اى حد .. دا قلب بنت لسه جوا منها طفلة عايزة تجرى عايزة تهرب .. رافضة تكبر .
و اكتشفت و اكتشفت و لسه ياما هاكتشف ... طول ما لسه جوا منى طفلة عايزة تجرى عايزة تهرب رافضة تكبر .. جوا منها كل احلامها القديمة و ذكريات حلوة كثيرة و طول ما لسة قادرة تصرخ ... و جوا منها قلب قادر يكسر اى سد .
3 comments:
أكثر من مجرد رائعة..
كأن نفسي بتكلمني
جميل انك اكتشفتى ده فعلا فى ناس بتعيش و بتموت من غير ما تكتشف سلامها النفسى ييجى ازاى
انك تفضلى طفلة ده فى حد ذاته انجاز..انا عن نفسى بحاول اكون كده..و اقولك سر..ساعات و انا راجعة من الكليه اول ما ادخل شارعنا المعتاد ان اطفال الشارع كلهم بيجروا يسلموا عليا علشان انا مش بتنك عليهم زى ما باقى الكبار بيعملوا و ساعات بركب عجل معاهم و العب كورة كمان..الناس بتتريق عليا و امى بتزعقلى و جارى و صاحبى و انتيمى بيقولى اطلعى يا بت بلاش هبل..بس انا برضه بقف العب معاهم..تفتكرى كده ممكن اعرف اكون طفلة؟؟؟
الحمد لله شايفك انهارده احسن من امبارح
كل يوم فى احساس جميل بيظهر فيكى
ليكى بصمات واقع تحسبلك
وانتى طفلة وانتى دلوعة وانتى بشريطة حمرة فى ضفايرك
بس بلاش تلعبى فى الحاجة بتاعت اختك علشان ماتزعلش منك
اوك
والسلام
Post a Comment